19 دسمبر ، 2023 
پاکستان
چیف الیکشن کمشنر کا آبائی حلقہ این اے 82 ضلع سرگودھا ہے: ترجمان الیکشن کمیشن— فوٹو:فائل
چیف الیکشن کمشنر کے ضلع میں کوئی اضافی نشست پیدا نہیں کی گئی، ترجمان الیکشن کمیشن
19 دسمبر ، 2023
الیکشن کمیشن آف پاکستان نے کہا ہے کہ چیف الیکشن کمشنر کے ضلع میں کوئی اضافی نشست پیدا نہیں کی گئی اور کسی کے دباؤ یا بلیک میلنگ میں نہیں آئیں گے۔
ترجمان الیکشن کمیشن کے مطابق میڈیا پر چلنے والی خبر کہ چیف الیکشن کمشنر کے ضلع میں کوئی اضافی نشست پیدا کی گئی ہے اس کی سختی سے تردید کی جاتی ہے۔
انہوں نے کہا کہ چیف الیکشن کمشنر کا آبائی حلقہ این اے 82 ضلع سرگودھا ہے، اس ضلع میں کوئی اضافی نشست پیدا نہیں کی گئی۔
ترجمان کا کہنا تھاکہ کمیشن کسی کی ذاتی خواہش پر کسی بھی مخصوص شخصیت کیلئے اضافی نشست بنانے سے معذوری ظاہر کرتا ہے، اسی اصول کو ضلع حافظ آباد میں بھی مدنظر رکھا گیا۔
ترجمان نے مزید کہا کہ الیکشن کمیشن کسی کے دباؤ یا بلیک میلنگ میں نہیں آئے گا۔
