21 دسمبر ، 2023 
کراچی: ڈکیتی مزاحمت پر دکاندار قتل، شہریوں کے تشدد سے3 ڈاکو اسپتال میں دم توڑ گئے
21 دسمبر ، 2023
کراچی کے علاقے اورنگی ٹاؤن میں ڈکیتی مزاحمت پر دکاندار قتل ہوگیا جبکہ شہریوں کے تشدد سے ڈاکو بھی اسپتال میں دم توڑ گئے۔
پولیس کے مطابق اورنگی ٹاؤن میں جانوروں کے چارے کی دکان میں 3 ملزمان داخل ہوئے اور لوٹ مار کرنا چاہی، مزاحمت پر ملزمان نے فائرنگ کردی اور فرار ہونے لگے۔
ڈاکوؤں کی فائرنگ سے دکاندار جاں بحق ہوگیا، مقتول کی شناخت شہروز کے نام سے ہوئی ۔اسی دوران شور شرابہ سن کر موقع پر موجود افراد نے تینوں ملزمان کو پکڑ لیا اور مشتعل افراد نے تینوں ملزمان کو شدید تشدد کا نشانہ بنا ڈالا۔
تاہم پولیس کی بھاری نفری نے تینوں ملزمان کو سخت جدوجہد کے بعد مشتعل افراد سے چھڑایا اور تینوں ملزمان کو تشویشناک حالت میں اسپتال منتقل کیا گیا۔
بعد ازاں پولیس حکام کے مطابق تینوں ڈاکو دوران علاج عباسی اسپتال میں دم توڑ گئے ، ڈاکوؤں کی فوری طور پر کوئی شناخت نہیں ہوسکی۔
مزید خبریں :
کراچی میں فائرنگ سے صحافی ندیم احمد زخمی
11 گھنٹے پہلے
عارف والا میں بھائی نے غیرت کے نام پربہن کو قتل کردیا
19 نومبر ، 2024
