29 دسمبر ، 2023 
غزہ پر اسرائیلی حملے جاری، مزید187 فلسطینی شہید ہوگئے
29 دسمبر ، 2023
غزہ میں 24 گھنٹوں کے دوران اسرائیلی فورسز کے حملوں میں مزید 187 فلسطینی شہید اور 312 زخمی ہوگئے۔
فلسطینی وزارت صحت کا کہنا ہےکہ غزہ پر 7 اکتوبر سے جاری اسرائیلی حملوں میں 21 ہزار 507 فلسطینی شہید ہوچکے ہیں۔
7 اکتوبر سے اب تک 55 ہزار 915 فلسطینی زخمی بھی ہوئے ہیں، غزہ میں صحت کی سہولیات کو اسرائیلی حملوں سے شدید نقصان پہنچا ہے جس کے باعث ذخمیوں کے علاج میں مشکلات کا سامنا ہے۔
اسرائیل نے غزہ کے شہریوں کو وسطی غزہ سے شیلٹرز میں جانے کا حکم دے دیا ہے جس کے باعث مزید فلسطینی بے گھر ہو رہے ہیں۔
عالمی ادارہ صحت نے غزہ کی تازہ صورتحال سے متعلق اپنے ایک بیان میں کہا ہےکہ اسرائیلی حملوں سے بچنے کے لیے ہزاروں فلسطینی وسطی غزہ اور خان یونس کے علاقوں سے نقل مکانی کرنے پر مجبور ہوگئے ہیں۔
حماس نے پوری دنیا سے اپیل کی ہے کہ اسرائیلی حملوں کے شکار فلسطینی عوام سے اظہاریکجہتی کے لیے 29 سے 31 دسمبر تک بھرپور مظاہرے کیے جائیں۔
حماس ترجمان کا کہنا تھا کہ دنیا بھر کے عوام غزہ پٹی میں جاری نسل کشی رکوانےکے لیے آواز بلند کریں۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
3 گھنٹے پہلے
غزہ پر اسرائیلی بمباری سے مزید 38 فلسطینی شہید
5 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
