31 دسمبر ، 2023 
پاکستان
کراچی میں سر عام سریا چوری کی وارداتیں، شہریوں کی جانیں بھی داؤ پر لگ گئیں
31 دسمبر ، 2023
سریےکی تلاش میں نشے کے عادی افراد اور چوروں نےکراچی کا حلیہ بگاڑ دیا ہے، دو پیسوں کے چکر میں شہریوں کی جانیں بھی داؤ پر لگ گئی ہیں۔
پلوں پر لگی حفاظتی باڑ ہو یا سڑک پر لگی گرل، بجلی کے کھمبے ہوں یا گٹر کے ڈھکن، کراچی میں دن دیہاڑے اور سر عام سریا چوری کی وارداتیں ہونے لگیں۔
انتظامیہ کی آنکھیں بند ہونے اور کوئی ایکشن نہ لیے جانے سے وارداتیوں کے حوصلے بڑھ گئے ہیں۔
حسن اسکوائر کے پل کی ریلنگ کھول کر تین چور پیدل چلتے بنے، جیونیوز کی جانب سے ویڈیو نشرکرنے پر پولیس حرکت میں آئی اور تین میں سے دو افراد کو حراست میں لے لیا گیا۔
