01 جنوری ، 2024 
کھلاڑیوں پر قوانین کیخلاف ورزی پر جرمانوں کا اعلان، ٹیم ڈائریکٹر نے خود ڈسپلن توڑ دیا
01 جنوری ، 2024
پاکستان کرکٹ ٹیم کے کھلاڑیوں پر قواعد و ضوابط کی خلاف ورزی پر جرمانوں کا اعلان کرنے والے ٹیم ڈائریکٹر محمد حفیظ نے خود ڈسپلن توڑ دیا۔
ذرائع کے مطابق محمد حفیظ میلبرن سے سڈنی جاتے ہوئے ائیر پورٹ پر فلائٹ مس کر گئے اور چند گھنٹے بعد وہ دوسری فلائٹ سے سڈنی پہنچے۔
ذرائع کا بتانا ہے کہ حفیظ نے پاکستان ٹیم کے ساتھ سڈنی سفر کرنا تھا، حفیظ کی اہلیہ کی نشست بھی اسی فلائٹ میں بک تھی تاہم دونوں میلبرن ائیرپورٹ میں تاخیر سے جہاز تک پہنچے۔
ائیر لائن کے عملے نے محمد حفیظ اور ان کی اہلیہ کو جہاز پر سوار نہیں ہونے دیا اور تاخیر کی وجہ سےپاکستان ٹیم کے جہاز کے دروازے بند ہو گئے۔
ذرائع کا بتانا ہے کہ حفیظ اہلیہ کے ساتھ ائیرپورٹ پر تھے لیکن وہ ٹائم نہ دیکھ سکے، ائیر لائن عملے نے حفیظ اور اہلیہ کو جہاز پر بیٹھنے کی اجازت نہ دی، بعد ازاں محمد حفیظ اور ان کی اہلیہ دوسری فلائٹ سے سڈنی پہنچے۔
حفیظ کھلاڑیوں پر کوڈ آف کنڈکٹ کی خلاف ورزی پر جرمانوں کا اعلان کر چکے ہیں تاہم ان کی جانب سے خود ڈسپلن کی خلاف ورزی پر ٹیم انتظامیہ نے خاموشی اختیار کر رکھی ہے۔
مزید خبریں :
بابر اعظم نے ایک اور اعزاز اپنے نام کرلیا
1 گھنٹے پہلے
باکسنگ ڈے ٹیسٹ میچ کے پیچھے کہانی کیا ہے؟
9 گھنٹے پہلے
بھارتی کرکٹر کے ہاں بیٹے کی پیدائش
25 دسمبر ، 2024
چیمپئنز ٹرافی کی میزبانی کیلئے بہت پرجوش ہیں: محمد رضوان
25 دسمبر ، 2024
