08 جنوری ، 2024 
پاکستان
اہلکار انسداد پولیو ٹیم کی سکیورٹی کے لیے جا رہے تھے کہ تحصیل ماموند میں دھماکے کی زد میں آ گئے: پولیس۔ فوٹو فائل
باجوڑ میں پولیس ٹرک کے قریب دھماکا، 5 اہلکار شہید، 24 زخمی
08 جنوری ، 2024
باجوڑ کی تحصیل ماموند میں پولیس ٹرک کے قریب دھماکے سے 5 اہلکار شہید اور متعدد زخمی ہو گئے۔
پولیس کے مطابق دھماکہ تحصیل ماموند کے علاقے بیلوٹ فرش پولیس گاڑی کے پاس ہوا جس کے نتیجے میں 5 اہلکار شہید اور 24 اہلکار زخمی ہو گئے۔
پولیس کا کہنا ہے کہ پولیس اہلکار انسداد پولیو مہم ٹیم کی سکیورٹی کیلئے جا رہے تھے کہ ان کی گاڑی دھماکے کی زد میں آ گئی۔
دھماکے کے زخمیوں کو خار اسپتال منتقل کر دیا گیا ہے اور علاقے کا محاصرہ کر کے دہشتگردوں اور ان کے سہولت کاروں کی تلاش کے لیے آپریشن شروع کر دیا گیا ہے۔
