ملکی زرمبادلہ کے ذخائر میں اضافہ، اسٹیٹ بینک کی رپورٹ جاری

اسٹیٹ بینک آف پاکستان کا کہنا ہےکہ ملکی زرمبادلہ کے ذخائر میں اضافہ ریکارڈ کیا گیا ہے۔

 اسٹیٹ بینک کے مطابق ملکی زرمبادلہ کے ذخائر 5  جنوری کو ختم ہونے والے ہفتے میں 3.6 کروڑ  ڈالر  بڑھے ہیں۔

 اسٹیٹ بینک کا کہنا ہےکہ ملکی زرمبادلہ کے ذخائر 5  جنوری تک 13.25 ارب ڈالر رہے۔

اسٹیٹ بینک کے اپنے ذخائر 6.64 کروڑ  ڈالر کم ہوکر 8.15 ارب ڈالر رہے جب کہ کمرشل بینکوں کے ذخائر 10.24کروڑ  ڈالر  اضافے سے 5.10  ارب ڈالر رہے۔