19 جنوری ، 2024 
پاکستان
فوٹو: فائل
سرگودھا: آزاد امیدوار کی وفات کے باعث حلقہ این اے 85 پر الیکشن ملتوی
19 جنوری ، 2024
سرگودھا میں آزاد امیدوار کی وفات کے باعث قومی اسمبلی کے حلقہ این اے 85 پر الیکشن ملتوی کردیا گیا ہے۔
ڈسٹرکٹ الیکشن کمشنر کی جانب سے جاری نوٹیفکیشن میں کہا گیا ہے کہ آزاد امید وار صادق علی کی وفات کی وجہ سے 8 فروری کو ہونے والے عام انتخابات میں حلقے میں الیکشن ملتوی کیا گیا ہے۔
ڈسٹرکٹ الیکشن کمشنر کے مطابق این اے 85 میں الیکشن کی تاریخ کا اعلان بعد میں کیاجائے گا۔
واضح رہے کہ 8 فروری کو ملک میں عام انتخابات کیلئے ووٹنگ ہوگی۔
