20 جنوری ، 2024 
شعیب ملک نے ٹی 20 کرکٹ میں اہم سنگ میل عبور کرلیا
20 جنوری ، 2024
پاکستان کے آل راؤنڈر شعیب ملک نے ٹی ٹوئنٹی کرکٹ میں ایک اور سنگ میل عبور کر لیا۔
شعیب ملک نے ٹی ٹوئنٹی کرکٹ میں 13 ہزار رنز مکمل کر لیے ہیں اور وہ یہ سنگ میل عبور کرنے والے پہلے ایشین اور دنیا کے دوسرے کھلاڑی بن گئے ہیں۔
پاکستان کے سابق کپتان نے یہ کارنامہ اپنی 487 ویں ٹی ٹوئنٹی اننگز میں انجام دیا۔
شعیب ملک بنگلا دیش پریمیر لیگ میں فورچیون باریشال کی نمائندگی کررہے ہیں اور انہوں نے رنگ پور رائیڈرز کیخلاف 7 واں رن لے کر ٹی ٹوئنٹی کرکٹ میں اپنے 13 ہزار رنز مکمل کیے۔
ٹی ٹوئنٹی کرکٹ میں سب سے زیادہ رنز بنانے کا اعزاز ویسٹ انڈیز کے کرس گیل کے پاس ہے جنہوں نے مختصر فارمیٹ کی کرکٹ میں 14562 بنائے۔
سب سے زیادہ ٹی ٹوئنٹی رنز بنانے والوں کی فہرست میں شعیب ملک دوسرے نمبر پر ہیں۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
