21 جنوری ، 2024 
شعیب کی دوسری اہلیہ اداکارہ ثنا جاوید نے شادی کے روز کتنا مہنگا عروسی جوڑا پہنا؟
21 جنوری ، 2024
پاکستان ٹیم کے سابق کپتان شعیب ملک کی اداکارہ ثنا جاوید سے دوسری شادی نے سب کو ہی حیران کر دیا ہے، جوڑے کو سوشل میڈیا پوسٹس پر مبارکبادیں ملنے کا سلسلہ تاحال جاری ہے۔
ذرائع کا دعویٰ ہے کہ شعیب ملک اور ثنا جاوید کی شادی کچھ روز قبل کراچی میں ہوئی تھی جس کی تصدیق خاندانی ذرائع نے کی ہے۔
گزشتہ روز جوڑے کی جانب سے شادی کی تقریب کی دو تصاویر جاری کی گئیں جس میں کرکٹر شعیب ملک کو آف وائٹ شیروانی میں میچنگ شال جب کہ اداکارہ ثنا جاوید کو ivory رنگ کا لباس زیب تن کیے دیکھا گیا۔
لیکن کیا آپ جانتے ہیں کہ ثنا جاوید نے اپنی شادی جیسے اہم دن کے موقع پر کس ڈیزائنر کا انتخاب کیا اور ان کے عروسی جوڑے کی مالیت کتنی ہے؟
اداکارہ ثنا جاوید کو شادی کی تصاویر کیلئے ivory رنگ کی خوبصورت نیٹ کی پشواس میں ہلکے میک اپ کے ساتھ دیکھا گیا، ثنا جاویدکا خوبصورت عروسی لباس گلابی اور سلور رنگ کے امتزاج میں کٹ دانہ ، سیکوینس ، مکیش اور نقشی کے ساتھ تیار کیاگیا تھا۔
ثنا جاوید نے شادی کی اس یادگار تقریب میں معروف پاکستانی ڈیزائنر حسین ریہار کے جوڑے کا انتخاب کیا جس کی قیمت ڈیزائنر کی ویب سائٹ پر 3 لاکھ 79 ہزار 500 روپے درج ہے۔
واضح رہے کہ ثانیہ مرزا اور شعیب ملک میں باقاعدہ طلاق ہو چکی ہے اور قانونی حیثیت سے شعیب ملک بیٹے کو دبئی میں ملتے رہیں گے، شعیب اور ثانیہ کے تعلقات خراب ہونے پر شعیب ملک کی فیملی دبئی بھی گئی تھی۔
مزید خبریں :
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
اہلیہ ایشوریا کیلئے ابھیشیک کے بیان نے مداحوں کو حیران کردیا
25 نومبر ، 2024
