Election 2024 Election 2024

دنیا
Time 29 جنوری ، 2024

نوجوانوں کو سگریٹ نوشی سے بچانے کیلئے ڈسپوز ایبل ویپس پرپابندی لگانے کا فیصلہ

برطانیہ میں بچوں میں ویپ استعمال کرنے کی شرح میں 4.1 فیصداضافہ ہوا ہے : برطانوی میڈیا/فوٹوفائل
برطانیہ میں بچوں میں ویپ استعمال کرنے کی شرح میں 4.1 فیصداضافہ ہوا ہے : برطانوی میڈیا/فوٹوفائل

برطانوی حکومت نے نوجوانوں کو سگریٹ نوشی سے بچانے کیلئے ڈسپوز ایبل  ویپس پرپابندی لگانے کا فیصلہ کرلیا۔

غیر ملکی خبر رساں ادارے کے مطابق  برطانوی وزیراعظم رشی سونک آج منصوبے کی تفصیلات بتائیں گے  جس میں برطانوی حکومت کی جانب سے  ڈسپوز ایبل ویپس پرپابندی لگانےسے متعلق بھی اعلان کیا جائے گا۔

غیر ملکی خبر رساں ادارے کا کہنا ہے کہ منصوبے کے تحت کم عمربچوں کوویپس فروخت کرنے والوں کےخلاف بھی کارروائی ہوگی۔

برطانوی میڈیا کے مطابق برطانیہ میں بچوں میں ویپ استعمال کرنے کی شرح میں 4.1 فیصداضافہ ہوا ہے ۔

 واضح رہے کہ گزشتہ برس برطانیہ کی لوکل گورنمنٹ ایسوسی ایشن نے اپنے ایک جاری بیان میں بتایا تھا کہ NielsenIQ کی جانب سے کی گئی ریسرچ کے مطابق مسئلہ سوچ کے مقابلے میں زیادہ بڑا ہے۔

برطانیہ میں 2022  میں ایک اندازے کے مطابق 300 ملین ای سگریٹ فروخت ہوئے، یہ تعداد اس سے ایک سال قبل کے مقابلے میں چار گنا سے بھی زیادہ تھی۔

مزید خبریں :