30 جنوری ، 2024 
مقبوضہ مغربی کنارہ: اسرائیلی فوج کا طبی عملےکے بھیس میں اسپتال پر حملہ
30 جنوری ، 2024
اسرائیلی فوج کی غزہ کے ساتھ مقبوضہ مغربی کنارے میں بھی جارحیت جاری ہے، صیہونی افواج نے اسپتال میں گھس کر 3 فلسطینیوں کو شہید کردیا۔
رپورٹس کے مطابق اسرائیلی فوج نے مقبوضہ مغربی کنارے میں جنین شہر کے ابن سینا اسپتال کا محاصرہ کیا اور فائرنگ کرکے تین فلسطینیوں کو شہید کردیا۔
اسرائیلی فوجی اہلکار ڈاکٹر، نرس اور عام شہریوں کے لباس میں اسپتال میں داخل ہوئے، اسرائیلی فوج کی فائرنگ میں شہید ہونے والے دو بھائی ہیں۔
اس کے علاوہ اسرائیلی فوج نے مقبوضہ مغربی کنارے کے متعدد شہروں سے مزید 18 فلسطینیوں کو گرفتار کرلیا۔
فلسطینی اسیران کلب کے مطابق مقبوضہ مغربی کنارے میں7 اکتوبر سے اب تک 6 ہزار 390 فلسطینی گرفتار کیے جاچکے ہیں۔
دوسری جانب فلسطینی وزارت صحت کے مطابق اسرائیلی فوج کی جانب سےغزہ پٹی میں نسل کشی کا سلسلہ جاری ہے۔
اسرائیلی فورسز کے حملوں میں مزید 114 فلسطینی شہید اور 249 زخمی ہوگئے۔
فلسطینی وزارت صحت کا کہنا ہےکہ غزہ پٹی پر7 اکتوبر سے جاری اسرائیلی بمباری میں 26 ہزار 751 فلسطینی شہری شہیدہوئے جب کہ 65 ہزار 636 زخمی ہوچکے ہیں۔
مزید خبریں :
ایلون مسک کی دولت ریکارڈ 348 ارب ڈالرز تک پہنچ گئی
7 گھنٹے پہلے
