02 فروری ، 2024 
ائیر لائنز کے انتظامی معاملات اور مسائل بھی پروازوں کی تاخیر کی وجہ بن گئے
02 فروری ، 2024
مختلف ائیر لائنز کے انتظامی معاملات اور مسائل کی بناء پر آج 8 پروازیں منسوخ کردی گئی ہیں جب کہ 20 پروازیں تاخیر کا شکار ہیں۔
ایوی ایشن ذرائع کے مطابق پی آئی اے کی دبئی سے کراچی کی پرواز منسوخ کردی گئی ہے، نجی ائیر لائن کی کراچی اسلام آباد کی 2 پروازیں، دبئی اسلام آباد کی 3 پروازیں منسوخ کردی گئی ہیں، ایک دوسری نجی ائیر لائن کی لاہور کراچی کی 2 پروازیں بھی منسوخ کردی گئیں۔
کراچی اسلام آباد کی پرواز کی روانگی میں 2 گھنٹے 12 منٹ کی تاخیر کی گئی،کراچی لاہور کی صبح 10 بجے کی پرواز شام 5 بجے کیلئے ری شیڈول کی گئی،کراچی مسقط کی 4 بجے کی پرواز 10 بج کر 25 منٹ پر مقرر کی گئی۔
کراچی اسلام آباد کی پرواز کی روانگی رات 10:25 پرمتوقع ہے، سعودی ائیر لائن کی اسلام آباد جدہ کی پرواز کی آمد روانگی میں ساڑھے 3 گھنٹے تاخیر ہوئی۔
