Election 2024 Election 2024

کھیل
Time 02 فروری ، 2024

پاکستان ہاکی فیڈریشن کے ملازمین 6 ماہ سے تنخواہوں سے محروم

بیمار ملازمین کے پاس علاج معالجے تک کے پیسے نہیں, پی ایچ ایف کا ملازم حال ہی میں دل کے عارضے میں مبتلا ہوا ہے/ فائل فوٹو
بیمار ملازمین کے پاس علاج معالجے تک کے پیسے نہیں, پی ایچ ایف کا ملازم حال ہی میں دل کے عارضے میں مبتلا ہوا ہے/ فائل فوٹو

لاہور: پاکستان ہاکی فیڈریشن (پی ایچ ایف ) کے ملازمین 6 ماہ سے تنخواہوں سے محروم  ہیں۔

ذرائع کے مطابق لاہور ہیڈ کوارٹر کے ملازمین کسمپرسی کی زندگی گزارنے پر مجبور ہیں جس کے بعد ملازمین نے جلد واجبات ادا کرنے کا مطالبہ کیا ہے۔

پی ایچ ایف ذرائع کا کہنا ہے کہ بیمار ملازمین کے پاس علاج معالجے تک کے پیسے نہیں, پی ایچ ایف کا ملازم حال ہی میں دل کے عارضے میں مبتلا ہوا ہے۔

 ذرائع کے مطابق سینئر اور جونیئر کھلاڑیوں کے واجبات  کا معاملہ بھی التوا کا شکار ہے،  کپتان عماد شکیل بٹ نے اولمپکس کوالیفائنگ راؤنڈ میں شرکت کے بعد ڈیلیز کی ادائیگی کا مطالبہ کیا، پی ایچ ایف کو حکومت کی جانب سے فنڈز ریلیز نہیں ہوئے، فنڈز کے لیے اسائنمنٹ اکاؤنٹ بھی کھولا جانا ہے۔

پی ایچ ایف ذرائع کاکہنا ہے کہ موجود دور میں ایک ماہ کی تنخواہ کے بقایا جات ہیں، باقی لگ بھگ 5  ماہ کے بقایا جات پچھلے دور کے ہیں، موجودہ انتظامیہ کے ذمہ تقریباً 8 کروڑ روپے کی ادائیگیاں باقی ہیں۔

ذرائع کے مطابق  موجودہ انتظامیہ نے 8 کروڑ روپے کی ادائیگیاں کرنا ہیں، موجودہ انتظامیہ نے دسمبر کے آخری ہفتے میں فیڈریشن کے اکاؤنٹس بند کردیے تھے جس  کی وجہ سے اب اسائنمنٹ اکاؤنٹ کھولنا ضروری ہے۔

مزید خبریں :