03 فروری ، 2024 
پاکستان
امریکی شہری کی انگوٹھی لاہور سے ڈی جی خان سفر کے دوران گم ہوگئی تھی: ترجمان موٹر وے پولیس/ فائل فوٹو
موٹر وے پولیس نے 10 لاکھ روپے کی گمشدہ انگوٹھی امریکی خاتون کو واپس کر دی
03 فروری ، 2024
لاہور: موٹر وے پولیس نے 10 لاکھ روپے مالیت کی گمشدہ قیمتی انگوٹھی امریکی خاتون کو واپس کر دی۔
ترجمان موٹر وے پولیس نے بتایا کہ امریکی خاتون کی انگوٹھی لاہو رسے ڈیرہ غازی خان کے سفر کے دوران گم ہو گئی تھی۔
ترجمان کے مطابق خاتون کی انگوٹھی 10لاکھ روپے مالیت کی تھی جسے تلاش کرکے انگوٹھی امریکی خاتون کو واپس کر دی گئی۔
دوسری جانب سیف سٹی لاہور نے بھی شہری کا گم ہونے والا پرس تلاش کر کے اسے واپس لوٹا دیا۔
ترجمان سیف سٹی کے مطابق جوہر ٹاؤن سے شہری کی ون فائیو پر پرس ملنے کی کال موصول ہوئی۔
ترجمان نے بتایا کہ کالر نے بتایا پرس میں کیش، شناختی کارڈ اور اے ٹی ایم سمیت دیگر ضروری کاغذات ہیں، پرس ملنے پر مالک نے شہری، سیف سٹی حکام اور پولیس کا شکریہ ادا کیا۔
