لاہور میں بائیو گیس پلانٹ کا افتتاح، روزانہ 6000 مکعب میٹر گیس کی پیداوار ہوگی

نگران وزیراعلیٰ پنجاب محسن نقوی نے لاہور میں بائیو گیس پلانٹ کا افتتاح کر دیا۔

اعلامیے کے مطابق گجر کالونی میں قائم بائیو گیس پلانٹ سے روزانہ 6000 مکعب میٹر گیس کی پیداوار ہوسکے گی۔

اعلامیے میں کہا گیا ہے کہ بائیو گیس پلانٹ میں روزانہ 1600 کلو گوبر استعمال ہوگا، گجر پورہ بائیو گیس پلانٹ سے روزانہ 16ہزار کلو نامیاتی کھاد پیدا ہوگی۔

اعلامیے میں بتایا گیا ہے کہ پلانٹ سے پیدا ہونے والی نامیاتی کھاد پی ایچ اے اور کاشتکار استعمال کر سکیں گے۔