06 فروری ، 2024 
انڈر 19 ورلڈکپ سیمی فائنل: جنوبی افریقا کو شکست دیکر بھارت فائنل میں پہنچ گیا
06 فروری ، 2024
آئی سی سی انڈر 19 کرکٹ ورلڈ کپ کے پہلے سیمی فائنل میں بھارت نے جنوبی افریقا کو 2 وکٹ سے ہرا کر فائنل کیلئے کوالیفائی کرلیا۔
بینونی میں کھیلے گئے ایونٹ کے پہلے سیمی فائنل میں جنوبی افریقا نے پہلے بیٹنگ کرتے ہوئے مقررہ 50 اوورز میں7 وکٹ پر 244 رنز بنائے۔
اوپنر پریٹوریس نے 76 رنز کی شاندار اننگز کھیلی، رچرڈ سیلسٹوین نے 64 رنز اسکور کیے۔
بھارت کی جانب سے راج لمبانی نے تین وکٹیں حاصل کیں، مُشیر خان نے دو کھلاڑیوں کو آؤٹ کیا۔
جواب میں بھارتی ٹیم 32 رنز پر چار وکٹوں سے محروم ہوگئی تھی جس کے بعد سچن دھاس اور اُودے سہارن کے درمیان 171 رنز کی شراکت ہوئی، سچن دھاس نے 96 رنز کی عمدہ اننگز کھیلی، اُودھے سہارن نے 81 رنز اسکور کیے۔
بھارت نے ہدف 7 گیندیں قبل 8 وکٹ کے نقصان پر حاصل کرلیا اور فائنل میں جگہ بنالی۔
آئی سی سی انڈر 19 کرکٹ ورلڈ کپ کا دوسرا سیمی فائنل جمعرات کو پاکستان اور آسٹریلیا کے درمیان کھیلا جائے گا۔
مزید خبریں :
اسپیشل اولمپکس ورلڈ ونٹرگیمز میں پاکستان نے 4 میڈلز جیت لیے
13 مارچ ، 2025
پی ایس ایل میں مزید 2 ٹیمیں شامل کرنےکا فیصلہ
13 مارچ ، 2025
