Election 2024 Election 2024

کھیل
Time 10 فروری ، 2024

پی ایس ایل 9، سکیورٹی اور مارکیٹنگ سمیت دیگر معاملات پر اہم اجلاس

محسن نقوی کی زیر صدارت اجلاس میں پی سی بی حکام، پی ایس ایل انتظامیہ سمیت آئی جی پنجاب اور سکیورٹی اداروں کے نمائندے شریک ہوئے— فوٹو: فائل
محسن نقوی کی زیر صدارت اجلاس میں پی سی بی حکام، پی ایس ایل انتظامیہ سمیت آئی جی پنجاب اور سکیورٹی اداروں کے نمائندے شریک ہوئے— فوٹو: فائل

لاہور: چیئرمین پی سی بی کی زیر صدارت پاکستان سپر لیگ (پی ایس ایل) کے نویں ایڈیشن کی تیاریوں سے متعلق اہم اجلاس میں سکیورٹی اور مارکیٹنگ سمیت دیگر اہم امور پر تبادلہ خیال کیا گیا۔

ذرائع کے مطابق حکومتی ذمہ داریوں کے باوجود محسن نقوی کی اولین ترجیح پی ایس ایل کا کامیاب انعقاد ہے، اس سلسلے میں پی ایس ایل کی سکیورٹی کے حوالے سے قذافی اسٹیڈیم میں اہم اجلاس بلایا گیا۔

ذرائع کا کہنا تھا کہ پی ایس ایل سے متعلق اجلاس میں سی ای او پی سی بی سلمان نصیر، ڈائریکٹر انٹرنیشنل کرکٹ عثمان واہلہ اور پی ایس ایل کی انتظامیہ سمیت مارکیٹنگ ڈپارٹمنٹ کے حکام بھی شریک ہوئے۔

اجلاس میں آئی جی پنجاب سمیت سکیورٹی اداروں کے اعلیٰ حکام نے بھی شرکت کی۔

پی ایس ایل حکام نے چیئرمین پی سی بی کو پی ایس ایل 9 کے اخراجات کے حوالے سے بریف کیا، جس کے بعد چیئرمین پی سی بی نے پی ایس ایل کے اخراجات کی تفصیلات طلب کر لیں۔

پی سی بی حکام کی جانب سے پی ایس ایل کی افتتاحی تقریب اور ٹرافی کی رونمائی کے حوالے سے چیئرمین پی سی بی کو بریفنگ دی گئی۔

اجلاس کے دوران چیئرمین پی سی بی نے پی ایس ایل کیلئے سکیورٹی کے فول پروف انتظامات کی ہدایت دیں۔

چیئرمین پی سی بی محسن نقوی نے پی ایس ایل کی بھر پور تشہیری مہم چلانے کے بھی احکامات جاری کیے۔

مزید خبریں :