10 فروری ، 2024 
پاکستان
پولیس اورعلاقہ مکینوں نے جوابی کارروائی کرتے ہوئے فائرنگ کردی جس کے نتیجے میں 3دہشتگرد ہلاک ہوگئے—فوٹو: فائل
ڈی آئی خان: فائرنگ سے اے ایس آئی شہید، جوابی فائرنگ میں 3 دہشتگرد ہلاک
10 فروری ، 2024
ڈی آئی خان کے علاقے مورگہ حسن خیل میں فائرنگ سے اے ایس آئی شہید اور جوابی فائرنگ میں تین دہشتگرد ہلاک ہوگئے۔
پولیس کے مطابق اے ایس آئی دین محمد الیکشن ڈیوٹی سے واپس آ رہا تھا کہ نامعلوم افراد نےفائرنگ کر دی، واقعے کے بعد علاقہ مکینوں نے ان افراد کا تعاقب کیا۔
دہشتگرد موٹر سائیکلوں پر فرار ہونے کی کوشش کر رہے تھے کہ پولیس اور علاقہ مکینوں نے جوابی کارروائی کرتے ہوئے فائرنگ کر دی جس کے نتیجے میں 3 دہشتگرد ہلاک ہو گئے۔
پولیس کا بتانا ہے کہ شہید اے ایس آئی دین محمد کی میت اسپتال منتقل کردی گئی ہے۔
