13 فروری ، 2024 
پاکستان
فوٹو: فائل
پیپلز پارٹی کا مسلم لیگ ن کی حکومت میں شامل نہ ہونے کا فیصلہ
13 فروری ، 2024
اسلام آباد: پیپلز پارٹی نے وفاق میں مسلم لیگ ن کی حکومت میں شامل نہ ہونے کا فیصلہ کیا ہے۔
ذرائع کے مطابق پیپلزپارٹی کی سینٹرل ایگزیکٹوکمیٹی کا اجلاس میں فیصلہ کیا ہے کہ ملک کے وسیع تر مفاد میں پیپلزپارٹی وفاق میں حکومت سازی میں مسلم لیگ ن کی مدد کرے گی۔
ذرائع کا کہنا ہے کہ پیپلزپارٹی صوبہ سندھ اور بلوچستان میں حکومت بنائے گی۔
ذرائع کے مطابق پیپلزپارٹی چیئرمین سینیٹ، اسپیکر قومی اسمبلی کے عہدے مانگے گی۔
اس کے علاوہ پیپلزپارٹی صدرمملکت اور چاروں صوبائی گورنر کے عہدے بھی مانگے گی۔
