23 فروری ، 2024 
پہلی کوشش ہے ٹیم کو چیمپئن بنوا کر قومی ٹیم میں جگہ بناؤں: محمد ذیشان
23 فروری ، 2024
پاکستان سپر لیگ کی ٹیم پشاور زلمی کے فاسٹ بولر محمد ذیشان نے کہا ہے کہ پاکستان انڈر 19 کے بعد پی ایس ایل میں موقع ملا ہے، میری پہلی کوشش ہوگی کہ ٹیم کو چیمپئن بنوا کر قومی ٹیم میں اپنی جگہ بناؤں۔
جیو نیوز سے خصوصی گفتگو کرتے ہوئے انہوں نے بتایا کہ میرا تعلق فیصل آباد کے ایک چھوٹے سے گاؤں سے ہے، میرا بڑا بھائی بھی ڈومیسٹک سطح تک کرکٹ کھیل چکا ہے لیکن انہیں آگے بڑھنے کا موقع نہ مل سکا۔
پشاور زلمی کے فاسٹ بولر ذیشان نے بتایا کہ جب میں نے کرکٹ شروع کی تو بھائی نے مجھے بھرپور سپورٹ کیا، پاکستان کیلئے کھیلنا بھائی کا خواب تھا کوشش کروں گا کہ اب میں ان کا خواب پورا کر سکوں۔
اپنے خاندان سے متعلق دلچسپ حقائق کا انکشاف کرتے ہوئے محمد ذیشان نے بتایا کہ گھر میں سب کے قد ساڑے چھ فٹ سے اوپر ہیں، میرا قد بھی چھ فٹ 8 انچ ہے، دراز قد کے ساتھ بولنگ میں رفتار ہوگی تو فائدہ ہوگا اس لیے میں اپنی بولنگ کی رفتار بڑھانے اور لائن اور لینتھ برقرار رکھنے کی کوشش کرتا ہوں۔
اپنے متعلق ایک اور دلچسپ بات بتاتے ہوئے انہوں نے کہا کہ ان کے جوتے کا نمبر 15 ہے جو مقامی طور پر بڑی مشکل سے ملتا ہے اس لیے اسپورٹس کا کوالٹی شوز بیرون ملک سے منگوانا پڑتا ہے۔
ان کا کہنا تھا کہ انجری کھیل کا حصہ ہے فٹنس کا خاص خیال رکھتا ہوں۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
