سلمان آغا پی ایس ایل 9 میں لیڈنگ رن اسکورر بننےکے خواہشمند
24 فروری ، 2024
اسلام آباد یونائیٹڈ کےکھلاڑی سلمان علی آغا کا کہنا ہےکہ ایونٹ کا لیڈنگ رن اسکورر بننا بھی میری خواہش ہے لیکن اہم ٹیم کے لیے مفید رنز بنانا ہیں۔
جیو نیوز سے گفتگو کرتے ہوئے سلمان آغا کا کہنا تھا کہ اس بار کافی اچھی پرفارمنس جا رہی ہے، جس طرح آغاز ہوا ہےکوششش کروں گا کہ پورا ٹورنامنٹ ایسا رہے، کافی گیپ کے بعد دوبارہ پی ایس ایل میں آیا ہوں، ہمیشہ خواہش تھی پی ایس ایل کھیلوں۔
سلمان آغا کا کہنا تھا کہ ہدف یہی تھا کہ اب پی ایس ایل میں کم بیک ہو تو پھر ڈراپ نہ ہوں، روٹی گینگ کا حصہ تو ایشیا کپ میں ہی بن چکا تھا، کھانے پینےکے ساتھ ساتھ حریف ٹیموں کے میچز بھی دیکھتے ہیں، خواہش ہے کہ پی ایس ایل وننگ اسکواڈ کا حصہ رہوں، ایونٹ کا لیڈننگ رن اسکورر بننا بھی میری خواہش ہے۔
ان کا کہنا تھا کہ اب تینوں فارمیٹ میں فرق نہیں رہا، ٹیسٹ میں بھی چار کا رن ریٹ ہوتا ہے، مجھے ٹیسٹ اور محدود اوورز میں بس گیند اور کٹ کے رنگ کا فرق لگتا ہے، ٹیسٹ میں بھی چار کی اوسط سے رن بنانےکی کوشش کرتا ہوں۔
انہوں نے مزیدکہا کہ فوکس پی ایس ایل پر ہے لیکن ذہن میں ٹی ٹوئنٹی ٹیم میں جگہ بنانےکا ہدف بھی ہے، میں بیٹنگ آرڈر میں کسی بھی نمبرکے لیے تیار ہوں۔
