سابق سری لنکن کرکٹر دلشان آسٹریلوی شہری بن گئے، جلد مقامی ٹیم سے کھیلیں گے

سری لنکا کے سابق کرکٹر تلک رتنے دلشان آسٹریلوی شہری بن گئے۔

آسٹریلوی رکن پارلیمنٹ جیسن ووڈ نے سوشل میڈیا پر دلشان کی آسٹریلوی شہریت کا اعلان کیا۔

جیسن ووڈ نے کہا ہے کہ سٹیزن شپ کی تقریب خاص اس لیے تھی کہ اس میں سابق سری لنکن کپتان تلک رتنے دلشان بھی موجود تھے، تلک رتنے دلشان سری لنکا ون ڈے تاریخ کے ایک بہترین بیٹر مانے جاتے ہیں۔

ان کا کہنا تھا کہ تلک رتنے دلشان نے ورلڈ کپ 2011 میں 5 سو سے زائد رنز بنانے کا ریکارڈ قائم کیا، وہ اب آسٹریلوی شہری کی حیثیت سے مقامی ٹیم جوائن کریں گے اور اپنا ٹیلنٹ کمیونٹی سے شئیر کریں گے۔

جیسن ووڈ کا کہنا ہے کہ خوشی ہے کہ تلک رتنے دلشان کی بیٹی ریسنڈی اپنے والد کے نقش قدم پر چل رہی ہیں۔