دنیا
Time 29 فروری ، 2024

امریکا نے قرضوں اور بین الاقوامی فنانسنگ سے نجات کیلئے پاکستانی کوششوں کی حمایت کردی

طویل مدتی صحت، پاکستانی معیشت کے استحکام کیلئے اہم ہے، نئی حکومت کو معاشی صورت حال کو فوری ترجیح دینا ہوگی: ترجمان امریکی محکمہ خارجہ— فوٹو: فائل
طویل مدتی صحت، پاکستانی معیشت کے استحکام کیلئے اہم ہے، نئی حکومت کو معاشی صورت حال کو فوری ترجیح دینا ہوگی: ترجمان امریکی محکمہ خارجہ— فوٹو: فائل

امریکا نے امریکا قرضوں اور بین الاقوامی فنانسنگ کے شیطانی چکر سے آزادی کیلئے پاکستان کی جانب سے کی جانے والی کوششوں کی حمایت کردی ہے۔

امریکی محکمہ خارجہ ترجمان میتھیو ملر نے کہا ہے کہ پاکستانی معیشت کی طویل مدتی صحت، اس کے استحکام کیلئے اہم ہے، پاکستان کی نئی حکومت کو فوری طور پر معاشی صورت حال کو ترجیح دینا ہوگی۔

واشنگٹن میں میڈیا کو بریفنگ دیتے ہوئے میتھیو ملر کا کہنا تھا کہ آئندہ کئی ماہ کی پالیسیاں پاکستانیوں کیلئے معاشی استحکام کو برقرار رکھنے کیلئے انتہائی اہم ہوں گی۔

امریکی ترجمان نے مزید کہا کہ امریکا پاکستان پر زور دیتا ہے کہ وہ آئی ایم ایف اور دیگر بین الاقوامی مالیاتی اداروں کے ساتھ میکرو اکنامک ریفارمز کیلئے کام جاری رکھے۔

مزید خبریں :