04 مارچ ، 2024 
اسرائیل 6 ہفتوں کی جنگ بندی کی تجویز پر آمادہ ہے: امریکی عہدیدار
04 مارچ ، 2024
غزہ میں اسرائیل اور حماس کے درمیان جاری جنگ بندی سے متعلق مذاکرات کے حوالے سے امریکی عہدیدار نے دعویٰ کیا ہے کہ اسرائیل 6 ہفتوں کیلئے جنگ بندی کی تجویز پر آمادہ ہے۔
غیر ملکی میڈیا رپورٹس کے مطابق اسرائیل اور حماس کے درمیان جلد ہی براہ راست مذاکرات کا امکان ہے، قاہرہ میں فریقین جنگ بندی اور قیدیوں کے تبادلے کی ڈیل پر بات کریں گے۔
اسرائیل اور حماس کے درمیان مذاکرات سے متعلق امریکی عہدیدار نے دعویٰ کیا کہ اسرائیل 6 ہفتوں کی جنگ بندی کی تجویز پر آمادہ ہے۔
ایک طرف اسرائیل کی جانب سے جنگ بندی پر آمادگی ظاہر کی جا رہی ہے تو وہیں دوسری جانب غزہ میں اسرائیلی وحشت ناک کارروائیوں میں کوئی کمی نہ آ سکی ہے۔
غزہ کے علاقوں دیرالبلح اور جبالیہ پر اسرائیل کے فضائی حملوں میں مزید 17 فلسطینی شہید ہوگئے جبکہ اسرائیل کی جانب سے امدادی سامان کی ترسیل پر پابندیوں کے باعث پیدا ہونے والی غذائی قلت سے اب تک دم توڑنے والے بچوں کی تعداد 10 ہو گئی ہے۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
5 گھنٹے پہلے
غزہ پر اسرائیلی بمباری سے مزید 38 فلسطینی شہید
6 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
