06 مارچ ، 2024 
پاکستان
ائیر بس اے 320 طیارہ سوا گھنٹے بعد باحفاظت جدہ ائیرپورٹ پر لینڈ کرگیا: ترجمان پی آئی اے/ فائل فوٹو
سعودیہ سے کراچی کی پرواز میں فنی خرابی، جدہ میں ٹیکنیکل لینڈنگ
06 مارچ ، 2024
جدہ سے کراچی کیلئے روانہ ہونے والی قومی ائیر لائن پی آئی اے کی پرواز میں فنی خرابی کے باعث طیارہ نے جدہ میں واپس ٹیکنیکل لینڈنگ کی۔
ایوی ایشن ذرائع کے مطابق پی آئی اے کی پرواز پی کے 746 نے رات 2:23 بجے جدہ سے کراچی کیلئے ٹیک آف کیا جو سوا گھنٹہ تاخیر سے روانہ ہوئی، اس پرواز نے شیڈول کے مطابق صبح 8 بجے کراچی پہنچنا تھا۔
ترجمان پی آئی اے کے مطابق روانگی کے 30 منٹ بعد ائیر بس طیارے میں فنی خرابی پیدا ہوئی جس پر ائیر ٹریفک کنٹرولر جدہ کی ہدایت پر پائلٹ نے واپسی کا رخ کیا۔
ترجمان نے بتایا کہ ائیر بس اے 320 طیارہ سوا گھنٹے بعد باحفاظت جدہ ائیرپورٹ پر لینڈ کرگیا۔
