06 مارچ ، 2024 
پاکستان
فائل فوٹو مصدق ملک
حکومتی معاشی ٹیم کی سربراہی محمد اورنگزیب کرینگے: لیگی رہنما کی تصدیق
06 مارچ ، 2024
اسلام آباد: شہباز حکومت میں معاشی ٹیم کی سربراہی معروف بینکر محمد اورنگزیب کریں گے۔
معروف بینکر محمد اورنگزیب کی سربراہی کے حوالے سے رہنما (ن) لیگ مصدق ملک نے تصدیق کرتے ہوئے کہا کہ محمد اورنگزیب کی معاشی ٹیم میں کلیدی حیثیت ہوگی۔
جیو نیوز کے پروگرام آج شاہزیب خانزادہ کے ساتھ میں گفتگو کرتے ہوئے مصدق ملک نے کہا کہ معاشی ٹیم سے متعلق فیصلہ وزیراعظم شہباز شریف سابق وزیر خزانہ اسحاق ڈار کی مشاورت سے کریں گے۔
انہوں نے مزید کہا کہ آئی ایم ایف پروگرام میں تاخیر نہیں ہونے دیں گے ۔
