06 مارچ ، 2024 
دبئی سے ایک کروڑ روپے مالیت کے سونے کی کراچی اسمگلنگ ناکام، مسافر گرفتار
06 مارچ ، 2024
پاکستان کسٹمز نے کراچی ائیر پورٹ پر کارروائی کرتے ہوئے ایک کروڑ 10 لاکھ روپے مالیت کا سونا اسمگل کرنے کی کوشش ناکام بنا دی۔
کسٹمز حکام کے مطابق نظام الدین نامی مسافر دبئی سے امارات ائیر لائن کی پرواز EK 606 سے کراچی پہنچا تھا، مسافر کو شک کی بنیاد پر گرین چینل پر روک کر ان کے سامان کے بارے میں استفسار کیا گیا۔
حکام کا بتانا ہے کہ مسافر نے کسی ممنوعہ اور قابل ادائیگی ڈیوٹی اشیاء کی موجودگی سے انکار کیا، مسافر کے جواب سے غیر مطمئن ہونے پر سامان کی اسکینگ کی گئی تو ان کے سامان میں سونے کے زیورات کی نشاندہی ہوئی جس پر مسافر کے سامان کو کسٹمز کے عملے نے ایگزامینیشن کاؤنٹر پر منتقل کرکے مسافر کی موجودگی میں ان کے سامان کی تفصیلی جانچ پڑتال کی اور ان سے سونے کے زیورات کے بارے میں استفسار کیا تو مسافر اس کا تسسلی بخش جواب نہ دے سکا۔
کسٹمز کے عملے نے برآمد ہونے والے زیورات کو اپنی تحویل میں لے کر ضبط کر لیا۔
زیورات کا مجموعی وزن 49 تولہ اور اس کی کل مالیت ایک کروڑ 10 لاکھ 47 ہزار روپے بنتی ہے، ملزم کے خلاف کسٹمز ایکٹ کے تحت قانونی کارروائی کی جا رہی ہے۔
مزید خبریں :
ناراض بیوی نے شوہر کی بھینسوں اور گائے کو زہردیدیا
10 گھنٹے پہلے
