15 مارچ ، 2024 
آخر ہمارے سر پر بال کیوں ہوتے ہیں؟
15 مارچ ، 2024
بال تو سب کو عزیز ہوتے ہیں اور جب وہ اڑنے لگتے ہیں تو پریشانی بھی بہت ہوتی ہے۔
مگر سوال یہ ہے کہ آخر ہمارے سر پر بال کیوں ہوتے ہیں اور ان کا کیا فائدہ ہوتا ہے؟
جانوروں کے جسم پر تو بہت زیادہ بال ہوتے ہیں جو انہیں رات میں سردی جبکہ دن میں سورج کی تمازت سے تحفظ فراہم کرتے ہیں، مگر انسانوں میں بال سر پر ہی نظر آتے ہیں۔
سائنسدانوں کا ماننا ہے کہ زمانہ قدیم میں انسانوں کے جسم پر بھی بہت زیادہ بال ہوتے تھے مگر آگ کے استعمال، گھروں میں قیام اور لباس پہننے سے جسمانی بال بتدریج غائب ہوگئے۔
مگر سر پر بالوں کی موجودگی ہمارے لیے بہت اہم ہے۔
ہم 2 پیروں پر چلتے ہیں اور سورج کی روشنی براہ راست ہمارے سر پر پڑتی ہے اور اگر سر پر بال نہیں ہوتے تو ہمارے لیے گرمی برداشت کرنا ممکن نہ ہوتا۔
ماہرین کے مطابق بال درحقیقت ہمارے بال پر ٹوپی کا کام کرتے ہیں۔
انہوں نے مزید بتایا ہے کہ بالوں سے رات کو ہمارے سر کا درجہ حرارت مستحکم رکھنے میں مدد ملتی ہے۔
ان کا کہنا تھا کہ جسم کے مقابلے میں ہمارے دماغ چھوٹے ضرور ہوتے ہیں مگر وہ بہت زیادہ متحرک ہوتے ہیں، جس کے نتیجے میں حرارت پیدا ہوتی ہے مگر سر کے بال حرارت کو ایک جگہ تک محدود ہونے سے روکتے ہیں۔
بالوں سے سر کو کسی دھچکے سے بچنے میں بھی مدد ملتی ہے یعنی کسی جگہ سر ٹکرانے سے پہنچنے والے دھچکے کی شدت بالوں کی وجہ سے کسی حد تک گھٹ جاتی ہے۔
ماہرین نے مزید بتایا کہ بالوں کو اکثر مخالف جنس کو اپنی جانب کھینچنے کے لیے بھی استعمال کیا جاتا ہے۔
مزید خبریں :
شادی سے صحت کو ہونے والے بہترین فائدے کا انکشاف
8 گھنٹے پہلے
ہارٹ اٹیک اور ذیابیطس جیسے امراض سے بچانے کیلئے بہترین غذا
03 نومبر ، 2024
دودھ کو ابال کر نہ پینےکے کیا نقصانات ہیں؟
03 نومبر ، 2024
موسم سرما میں قوت مدافعت کو بڑھانے والی غذائیں
02 نومبر ، 2024
ملک میں پولیو وائرس کے مزید 2 کیسز سامنے آگئے، تعداد 45 ہوگئی
02 نومبر ، 2024
خراٹوں سے دماغی تنزلی کا خطرہ بڑھتا ہے، تحقیق
01 نومبر ، 2024
جگر کو نقصان پہنچنے کی 5 سب سے بڑی ابتدائی نشانیاں
01 نومبر ، 2024
