پہلی بیوی کی اجازت کے بغیر دوسری شادی کرنیوالے شخص کو 7 ماہ قید کی سزا
16 مارچ ، 2024
لاہور کی فیملی کورٹ نے پہلی بیوی کی اجازت کے بغیر دوسری شادی کرنے والے شخص کو سزا سنادی۔
فیملی کورٹ لاہور کے جج عدنان لیاقت نے درخواست پر فیصلہ سنایا جس میں عدالت نے پہلی بیوی کی اجازت کے بغیر دوسری شادی کرنے والے شخص کو 7 ماہ قید اور 5 لاکھ جرمانےکی سزا سنائی۔
عدالت نے کہا کہ شوہر نے پہلی بیوی کی اجازت کے بغیر دوسری شادی کی، دوسری شادی کے لیے قانونی طور پرتحریری اجازت لینا ضروری ہے لیکن شوہر نے دوسری شادی سے قبل پہلی بیوی سےاجازت نہیں لی۔
عدالتی فیصلے کے مطابق ملزم نے مسلم فیملی لاء آرڈیننس کے سیکشن 6 کی خلاف ورزی کی لہٰذا ملزم کو اجازت لیے بغیر دوسری شادی کرنے پر7 ماہ قید کی سزا دی جاتی ہے، ملزم اگر 5 لاکھ روپے جرمانہ ادا نہیں کرتا تو ایک ماہ مزید قید میں رکھا جائے۔
مزید خبریں :
محمود خان اچکزئی کے وارنٹ گرفتاری معطل
1 گھنٹے پہلے
سپریم کورٹ نے 5 دن میں 46 کیسز نمٹا دیے
53 منٹ پہلے
