18 مارچ ، 2024 
لاہور میں نشہ آور جوس پلا کر گردے نکال کر فروخت کرنیوالے گینگ کا کارندہ گرفتار
18 مارچ ، 2024
لاہور میں گلشن اقبال پولیس نے انسانی گردے فروخت کرنے والے گینگ کا ایک کارندہ گرفتار کر لیا۔
سپرنٹنڈنٹ آف پولیس (ایس پی) اقبال ٹاؤن اخلاق اللہ تارڑ نے پریس کانفرنس میں بتایا کہ گرفتار ملزم ندیم نے اپنے ساتھی شعیب کے ساتھ مل کر محنت کش سلیم کو گھر میں پینٹ کروانے کے بہانے بلایا۔
انہوں نے بتایاکہ ملزمان نے محنت کش کو گاڑی میں بٹھا کر نشہ آور جوس پلایا اور اسلام آباد لے گئے، اسلام آباد میں ظفر نامی ڈاکٹر گردے نکال کر ملزمان کو رقم کی ادائیگی کرتا تھا۔
ایس پی اخلاق اللہ کے مطابق ملزمان مختلف علاقوں سے غریب اور نادار لوگوں کو پیسوں کا لالچ دے کر بھی گردے نکلواتے تھے۔
ان کا کہنا تھاکہ ملزمان ایک گردے کے عوض ساڑھے 4 لاکھ روپے کا کہہ کر متاثرہ شخص کو پچاس ساٹھ ہزار روپے دیتے تھے۔
مزید خبریں :
مردان میں فائرنگ سے میاں، بیوی اور بیٹا قتل
7 گھنٹے پہلے
