18 مارچ ، 2024 
پاکستان
شوکت یوسفزئی نے اسفند یار ولی پر ڈھائی کروڑ ڈالرز میں پختونوں کا سودا کرنے کا الزام لگایا تھا۔ فوٹو فائل
اسفند یار کا ہرجانے کا دعویٰ، عدالت کا شوکت یوسفزئی کو 15کروڑ ادا کرنیکا حکم
18 مارچ ، 2024
ڈسٹرکٹ اینڈ سیشن کورٹس پشاور نے سربراہ اے این پی اسفندر یار ولی کی درخواست پر پی ٹی آئی رہنما شوکت یوسفزئی کو 15 کروڑ روپے ادا کرنے کا حکم دیا ہے۔
ڈسٹرکٹ اینڈ سیشن عدالت نے 15 کروڑ روپے ہرجانے کے کیس اسفندیار ولی کے حق میں فیصلہ سناتے ہوئے شوکت یوسفزئی کو ہرجانہ ادا کرنے کا حکم دیا ہے۔
ایڈیشنل سیشن جج اعجاز الرحمان نے فیصلہ جاری کرتے ہوئے کہا کہ شوکت یوسفزئی طلبی کے باوجود عدالت میں پیش نہیں ہوئے۔
شوکت یوسفزئی کی عدم پیشی کے باعث یکطرفہ کارروائی کی گئی۔
یاد رہے کہ شوکت یوسفزئی نے اسفندیار ولی پر ڈھائی کروڑ ڈالرز میں پختونوں کا سودا کرنے کا الزام لگایا تھا جس پر اسفندیار ولی نے 2019 میں شوکت یوسفزئی کے خلاف ہرجانے کا کیس دائر کیا تھا۔
