20 مارچ ، 2024 
امریکی اپیل کورٹ نے ٹیکساس کے نئے امیگریشن قوانین پر عملدرآمد روک دیا
20 مارچ ، 2024
امریکی اپیل کورٹ نے ٹیکساس کے نئے امیگریشن قوانین پر عملدرآمد روک دیا۔
غیر ملکی میڈیا کے مطابق امریکا کی فیڈرل اپیل کورٹ نے امریکی ریاست کی جانب سے سخت ترین اقدام کے طور پر لیے جانے والے متنازع امیگریشن قوانین پرعملدرآمد روک دیا۔
میڈیا رپورٹس کے مطابق اپیل کورٹ کی جانب سے فیصلہ سپریم کورٹ کے اس فیصلے کے چند گھنٹوں بعد آیا جس میں عدالت نے ایک زیر التوا اپیل میں ٹیکساس سینیٹ بل 4 کے تحت اقدامات لینے کی اجازت دی۔
ایس بی 4 بل کے تحت حکام غیر متعلقہ مہاجرین کو حراست میں لے کر ان کے خلاف سخت قانونی کارروائی کریں گے۔
رپورٹس کے مطابق میکسیکو نے نئے قانون کے تحت ٹیکساس سے بے دخل کیے جانے والے مہاجرین کو قبول کرنے سے انکار کردیا ہے۔
جوبائیڈن انتظامیہ نے ایس بی 4 بل کو متنازع قرار دیتے ہوئے عدالت میں چلینج کیا تھا جس پرعدالت نے عملدرآمد روک دیا ہے۔
ایس بی 4 بل کے تحت ریاست ٹیکساس میں غیر قانونی طور پر داخل ہونے والوں کو 20 سال قید کی سزا دی جائے گی جب کہ اس قانون کو نافذ کیے جانے کے بعد میکسیکو نے بے دخل مہاجرین کو لینے سے انکار کردیا تھا۔
مزید خبریں :
غزہ میں قحط کا خطرہ بڑھ رہا ہے: اقوام متحدہ نے خبردار کردیا
29 نومبر ، 2024
چین میں سونے کا سب سے بڑا ذخیرہ دریافت
29 نومبر ، 2024
مالی حالات سے تنگ والدین نے اپنی 4 سالہ بیٹی کو بیچ دیا
29 نومبر ، 2024
