22 مارچ ، 2024 
سلامتی کونسل میں حماس کی مذمت پر مشتمل امریکی قرارداد روس اور چین نے ویٹو کردی
22 مارچ ، 2024
روس اور چین نے اقوام متحدہ کی سلامتی کونسل میں مقبوضہ فلسطین کی مزاحمتی تنظیم حماس کی مذمت کے مطالبے پر مشتمل امریکی قرارداد ویٹو کردی۔
غزہ جنگ بندی سے متعلق اقوام متحدہ کی سلامتی کونسل میں غزہ جنگ بندی اور قیدیوں کے تبادلے سےمتعلق امریکی قراردار پر رائے شماری کیلئے اجلاس ہوا۔
امریکاکی مندوب نے قرارداد پیش کرتے ہوئے 7 اکتوبر کے حماس حملوں کی مذمت کا مطالبہ کیا۔
روس اور چین نے امریکی قرارداد کو ویٹو کردیا۔
سلامتی کونسل کے 15 میں سے 11 اراکین نے حمایت جبکہ روس، چین اور الجزائر نے مخالفت کی۔
روسی مندوب نے اسرائیل کی حامی امریکا کی قرارداد کو منافقت بازی اور بھونڈا ڈرامہ قرار دیا اور کہا کہ امریکا قرارداد کے ذریعے حماس کو مورد الزام ٹھہراتے ہوئے رفح پراسرائیلی چڑھائی کیلئے راہ ہموار کرنا چاہتا ہے۔
انہوں نے کہا کہ امریکی قرارداد کا اصل مقصد اسرائیل کو سزا سے بچانے کیلئے وقت حاصل کرنا ہے۔
روس اور چین کے ویٹو کرنے پر امریکی مندوب نے کہا کہ روس کا قرارداد کے خلاف ویٹو کرنا ہمیں ناکام بنانے کیلئے اوچھا اقدام ہے۔
خیال رہے کہ 7 اکتوبر 2023 سے اسرائیل کی جانب سے غزہ پر حملے جاری ہیں اور اب اسرائیل غزہ کو ملیامیٹ کرنے کے بعد اب امداد کے منتظر فلسطینیوں کو نشانہ بنانے لگا ہے۔
اب تک کے اسرائیلی حملوں میں 30 ہزار سے زائد فلسطینی شہید ہوچکے ہیں جبکہ 15 لاکھ سے زائد افراد بے گھر ہوگئے۔
مزید خبریں :
روس کا یوکرین پر اب تک کا سب سے بڑا ڈرون حملہ
26 نومبر ، 2024
سعودی عرب کے مختلف شہروں میں آج بارش کا امکان، اسکول بند
26 نومبر ، 2024
کینیڈا: زو کیپر کی غفلت سے 2 سالہ گوریلا ہلاک
26 نومبر ، 2024
