25 مارچ ، 2024 
کراچی میں پتنگ کی ڈورگلے پر پھرنے سے موٹر سائیکل سوار زخمی ہوگیا
25 مارچ ، 2024
کراچی میں بھی پتنگ کی ڈور گلے پر پھرنے سے ایک موٹر سائیکل سوار شخص زخمی ہوگیا۔
ریسکیو ذرائع کے مطابق واقعہ ملیر کے علاقے سعود آباد میں پیش آیا جس میں پتنگ کی ڈور گلے پر پھرنے سے ایک شخص زخمی ہوگیا۔
زخمی شخص کو ریسکیو ذرائع نےجناح اسپتال منتقل کردیا ہے۔ پولیس کے مطابق زخمی شخص کی حالت خطرے میں ہے۔
پولیس حکام کا کہنا ہےکہ کھوکھراپار پولیس نے پتنگ بازی کرنے والے متعدد لڑکوں کو حراست میں لے لیا ہے، پتنگ بازی کرنے والوں کے قبضے سے چرخیاں اور پتنگیں برآمد کرلی گئی ہیں۔ ایک پتنگ فروش کو بھی حراست میں لے کر تھانے منتقل کردیا گیا ہے۔
دوسری جانب فیصل آباد میں گلے پر ڈور پھر نے سے موٹر سائیکل سوار ایک اور نوجوان زخمی ہوگیا۔ قاسم بستی کے رہائشی 22 سالہ زخمی اعجاز کو اسپتال منتقل کردیا گیا ہے تاہم اس کی حالت خطرے سے باہر ہے ۔
تین روز قبل بھی گلے پر ڈور پھرنے سے ایک نوجوان جاں بحق ہوا تھا۔
