28 مارچ ، 2024 
بلوچستان سے سینیٹ کی 11 نشستوں کیلئے 33 میں سے 20 امیدوار دستبردار
28 مارچ ، 2024
بلوچستان سے سینیٹ کی 11 نشستوں کے انتخاب کیلئے 33 میں سے 20 امیدوار کاغذات نامزدگی واپس لے کر دستبردار ہوگئے۔
خواتین کی دو نشستوں پر دو امیدواروں کے رہ جانے کے بعد مسلم لیگ ن کی راحت جمالی اور پیپلز پارٹی کی حسنہ بی بی کے بلامقابلہ منتخب ہونے کا امکان ہے، امیدواروں کی حتمی لسٹ آج جاری کی جائے گی۔
سینیٹ کی 7 جنرل نشستوں پر 8 امیدوار مسلم لیگ ن کے سیدالناصر اور آغا شاہزیب درانی، پیپلز پارٹی کے سردار عمر گورگیج اور اعجاز احمد، نیشنل پارٹی کے جان بلیدی، عوامی نیشنل پارٹی کے ایمل ولی خان، جے یو آئی ایف کے احمد خان اور آزاد امیدوار انوار الحق کاکڑ کے درمیان مقابلہ ہے۔
ٹیکنو کریٹ کی دو نشستوں کیلئے تین امیدوار پیپلز پارٹی کے بلال مندوخیل، جے یو آئی ایف کے مولانا عبد الواسع اور مسلم لیگ ن کے مصلح الدین مینگل میں مقابلہ ہوگا۔
خواتین کی دو نشستوں کیلئے انتخابی میدان میں دو امیدوار رہ گئی ہیں اس لئے خواتین کی نشستوں پر مسلم لیگ ن کی راحت جمالی اور پیپلز پارٹی کی حسنہ بی بی کی بلا مقابلہ کامیابی کا امکان ہے۔
الیکشن کمیشن کے حکام کا کہنا ہے کہ سینیٹ کے امیدواروں کی حتمی لسٹ آج جاری کی جائے گی۔
