31 مارچ ، 2024 
لاہور : پولیس اہلکار کی فائرنگ سے زخمی ہونے والا نوجوان اسپتال میں دم توڑ گیا
31 مارچ ، 2024
لاہور کے علاقے اسلام پورہ میں دو روز قبل پولیس اہلکار کی فائرنگ سے زخمی ہونے والا نوجوان اسپتال میں دم توڑ گیا۔
جاں بحق نوجوان کے رشتہ داروں نے جی پی او چوک لاہور میں لاش رکھ کراحتجاج کرنے کے بعد پولیس نے مقدمہ درج کرکے فائرنگ کرنے والے اہلکار کو گرفتار کرلیا۔
پولیس کے مطابق اسلام پورہ میں پولیس کی ملزمان کے تعاقب کے دوران فائرنگ سے زخمی ہونے والا 22 سالہ راہگیر سلمان دوران علاج اسپتال دم توڑ گیا۔
پولیس کے مطابق ملزمان کے تعاقب کے دوران اہلکار جمشید نے فائرکیا تھا جو راہگیر سلمان کو لگا تھا، متوفی سلمان کے اہل خانہ نے اس کی لاش مال روڈ جی پی او چوک میں رکھ کر احتجاج بھی کیا تھا۔
پولیس نے واقعے کا مقدمہ درج کرکے فائرنگ کرنے والے اہلکار جمشید کو گرفتار کرلیا ہے۔
مزید خبریں :
ایف آئی اے نے کراچی سے حوالہ ہنڈی کا بڑا نیٹ ورک پکڑ لیا
14 نومبر ، 2024
