31 مارچ ، 2024 
'عامر اور عماد سینیئر ہیں، ان کا احترام کرنا'، بابر کے والد کا بیٹے کو مشورہ
31 مارچ ، 2024
پاکستان کرکٹ ٹیم کی کپتانی دوبارہ ملنے پر بابر اعظم کے والد نے بیٹے کو کچھ مشورے دیے ہیں۔
انسٹاگرام پر بیان جاری کرتے ہوئے اعظم صدیق نے کہا کہ بیٹے کو پاکستان کی دوبارہ کپتانی ملی اس پر شکر ادا کرتے ہیں، سب سے بڑی بات یہ ہے کہ احباب اختیار نے عزت اور تحریم دی۔
اعظم صدیق نے لکھا کہ اب بازگشت سنائی دے رہی ہے کہ ٹیم میں اتفاق ہو گا یا نہیں، بابر کو مشورہ دیا ہے کہ جو کسی نے کہا ہے اسے بھول جاؤ، محمد عامر اور عماد وسیم تم سے بڑے بھی اور سینیئر بھی ہیں، ان سے چھوٹے بن کر ملنا اور عزت احترام کرنا۔
بابر کے والد نے کہا کہ بیٹے کو بولا ہے کہ عماد اور عامر کی رائے کا احترام کرنا ، 11 بھائیوں نے دنیا فتح کرنی ہے۔
انہوں نے مزید کہا کہ اللہ سب اسباب کا مالک ہے وہی دلوں کو سخت اور نرم کرتا ہے ،ضروری ہے کہ قبلہ کعبہ درست ہو پاکستان زندہ باد۔
واضح رہے کہ پاکستان کرکٹ بورڈ نے بابر اعظم کو ایک بار پھر پاکستان کرکٹ ٹیم کا کپتان بنا دیا۔
پی سی بی کی جانب سے جاری اعلامیے میں کہا گیا ہے کہ بابر اعظم وائٹ بال کرکٹ میں پاکستانی ٹیم کی قیادت کریں گے۔
مزید خبریں :
ویڈیو: پیرو میں میچ کے دوران بجلی گرنے سے فٹبالر ہلاک ہوگیا
04 نومبر ، 2024
