03 اپریل ، 2024 
غزہ پالیسی کیخلاف امریکی مسلم رہنماؤں کا وائٹ ہاؤس افطار ڈنر کے بائیکاٹ کا فیصلہ
03 اپریل ، 2024
غزہ جنگ پر جوبائیڈن کی پالیسیوں کے خلاف امریکی مسلم رہنماؤں نے آج وائٹ ہاؤس میں ہونے والے روایتی افطار ڈنر کے بائیکاٹ کا فیصلہ کیا ہے۔
غزہ جنگ پر امریکی پالیسی کےخلاف امریکن مسلم تنظیموں نے بطور احتجاج وائٹ ہاؤس کے باہر افطار تقریب کےاہتمام کا اعلان کیا ہے۔
وائٹ ہاؤس کے باہر احتجاجی افطار میں اسلامک سرکل آف نارتھ امریکا (اکنا) اور امریکن مسلمز فار فلسطین (اے ایم پی) شامل ہوں گی۔
امریکا میں اسلامی تنظیمیں غزہ میں اسرائیلی جنگ کے خلاف اور امریکی حکومت کی اسرائیلی بے حمایت کے خلاف سراپا احتجاج ہیں۔ ان کابائیڈن انتظامیہ سے مطالبہ ہے کہ غزہ میں فوری اور مستقل جنگ بندی پر زور دیا جائے۔
خیال رہےکہ وائٹ ہاؤس کا سالانہ افطار رمضان کے اختتام پر کیا جاتا ہے۔ وائٹ ہاؤس میں افطار استقبالیہ آج ہو رہا ہے۔
افطار میں امریکی انتظامیہ کے اعلیٰ حکام اور مسلم اکثریتی ممالک کے سفراء کی شرکت متوقع ہے۔
مزید خبریں :
غزہ پر اسرائیلی بمباری سے مزید 38 فلسطینی شہید
3 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
