03 اپریل ، 2024 
پاکستان
فوٹو: فائل
5 وفاقی وزرا کو اضافی قلمدان سونپ دیے گئے
03 اپریل ، 2024
اسلام آباد:5 وفاقی وزرا کو اضافی قلمدان تفویض کر دیے گئے۔
کابینہ ڈویژن نے 5 وفاقی وزرا کو اضافی قلمدان دینے کا نوٹیفکیشن جاری کردیا جس کے مطابق وزیر نجکاری عبدالعلیم خان کو مواصلات کا اضافی قلمدان دے دیا گیا ہے۔
نوٹیفکیشن کے مطابق چوہدری سالک حسین کو مذہبی امور اور وزیرصنعت و پیدوار رانا تنویر کو نیشنل فوڈ سکیورٹی کا اضافی قلمدان تفویض کیا گیا ہے۔
اس کے علاوہ وزیر منصوبہ بندی احسن اقبال کو بین صوبائی رابطہ اور وزیر پیٹرولیم مصدق ملک کو آبی وسائل کا اضافی قلمدان سونپ دیا گیا ہے۔
