شکارپور سے مزید 2 افراد اغوا، ضلع سے مغویوں کی تعداد 11 ہوگئی

شکارپور کے علاقے بچل بھیو سے 2 افراد کو اغوا کرلیاگیا۔

پولیس کے مطابق دونوں مغوی ٹاؤن چک کےنواحی گاؤں عبدالواحد مہر کے رہائشی ہیں اور اغوا کیےگئے افراد میں غلام فرید اور عامر مہر شامل ہیں۔

پولیس نے بتایاکہ پولیس اور علاقہ مکین ڈاکوؤں کا تعاقب کر رہے ہیں۔

پولیس کا کہنا ہے کہ ضلع شکارپور سے اغوا کیےگئے افراد کی تعداد 11 ہوگئی۔