شاہد کپور سمیت بگ باس اداکاراؤں کی امت مسلمہ کو عید کی مبارکباد

بالی وڈ اداکار شاہد کپور سمیت رئیلیٹی شو بگ باس میں شرکت کرنے والی اداکاراؤں نے امت مسلمہ کو عید کے موقع پر مبارکباد پیش کی ہے۔

بھارتی اداکارہ پریانکا اور پرینیتی چوپڑا کی کزن منارا چوپڑا نے انسٹاگرام پر آف وائٹ اور سنہرے رنگ کے لباس میں اپنی تصاویر شیئر کیں۔

ساتھ ہی انہوں نے کیپشن میں عید کی مبارکباد دیتے ہوئے لکھا 'جہاں جہاں عید منائی جارہی ہے، میری طرف سے ان سب کو مبارک ہو'۔

ساتھ ہی منارا چوپڑا نے مداحوں سے عید کے تحفے کی بھی فرمائش کی۔

اس کے علاوہ اداکار شاہد کپور نے مائیکرو بلاگنگ ویب سائٹ ایکس (سابق ٹوئٹر) پر عید مبارک کہا۔

بھارتی ٹیلی ویژن کی اسٹار اور بگ باس 17 کی امیدوار ایشا مالویا نے بھی اپنی ایک مختصر ویڈیو انسٹاگرام پر شیئر کی جس میں انہوں نے مداحوں کو عید کی مبارکباد پیش کی۔