13 اپریل ، 2024 
قصور: اپنے مبینہ اغوا اور قتل کا ڈرامہ رچانے والا شخص گرفتار
13 اپریل ، 2024
قصور میں اپنے مبینہ اغوا کے بعد قتل کا ڈرامہ رچانے والے شخص کو پولیس نے گرفتار کر لیا۔
پولیس کے مطابق قصور کے علاقے قادر آباد سے تعلق رکھنے والے ملزم عاصم جمشید نے ن لیگ کے رہنما رمضان صدیق بھٹی سے فراڈ کرکے بھاری رقم ہتھیائی تھی اور اس نے رقم ہڑپ کرنے کے لیے اپنے مبینہ اغوا اور قتل کا ڈرامہ رچایا۔
پولیس کا کہنا ہے کہ ملزم عاصم جمشید مبینہ طور پر 28 فروری سے لاپتا تھا اور اس کے مبینہ اغوا کا مقدمہ اس کے والد کی مدعیت میں 11 مارچ کو درج کیا گیا تھا، ملزم نے اپنے جھوٹے قتل کی ویڈیو اپنے اہل خانہ کو بھیجی تھی جس پر آئی جی پنجاب نے ملزمان کو گرفتار کرنے کاحکم دیا تھا۔
ڈی پی او قصور کی سربراہی میں پولیس کی مشترکہ ٹیم نے ملزم عاصم جمشید کو گرفتار کر لیا، گرفتار ملزم لیگی رہنما رمضان صدیق بھٹی کے ساتھ بھاری رقم کے فراڈ میں ملوث تھا اور اپنے مبینہ اغوا و قتل میں رمضان صدیق بھٹی کو پھنسانا چاہتا تھا۔
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
