13 اپریل ، 2024 
شادی سے پہلے بہنوئی کے کس جواب پر سلمان خان نے کہا لڑکا اچھا لگا، بات پکی سمجھیں
13 اپریل ، 2024
بالی وڈ اداکار اور سلمان خان کے بہنوئی ایوش شرما نے ایک انٹریو میں بتایا کہ شادی سے پہلے سلمان خان کو بتایا تھا کہ میری کوئی آمدنی نہیں ہے۔
ایوش شرما نے حال ہی میں ایک انٹرویو کے دوران انکشاف کیا کہ شادی سے پہلے سلمان خان نے ان سے ان کی آمدنی کے بارے میں پوچھا تو انہوں نے سلمان خان کو بتایا کے وہ کچھ نہیں کماتے، والد پیسے بھیجتے ہیں جس سے ان کا گزارا ہوتا ہے۔
ایوش شرما نے کہا کہ ان کی اس بات پر سلمان نے اپنی بہن ارپیتا کی طرف دیکھ کر کہا یہ لڑکا بہت ایماندار ہے، سلمان نے کہا مجھے یہ لڑکا اچھا لگا اور شادی پکی سمجھیں۔
ایوش نے دوران انٹرویو سلمان خان سے اپنی پہلی ملاقات کا احوال بتاتے ہوئے کہا کہ ایک دن جب وہ سلمان کی بہن ارپیتا کو گھر چھوڑنے گئے تو وہاں سلمان خان بھی اچانک آگئے، ان کا کہنا تھا اس لمحے انہوں نے سوچھا 'پیار کیا تو ڈرنا کیا'۔
ارپیتا کے شوہر نے بتایا کہ انہوں نے سلمان خان کو اپنا تعارف کراویا اور جواب میں سلمان نے بھی انہیں اپنا نام بتایا جس کے بعد وہ ان کے گھر سے نکل گئے، اگلے دن ارپیتا نے انہیں بتایا کہ سلمان مجھ سے مل کر میرے بارے میں مزید جاننا چاہتے ہیں۔
ایوش نے بتایا جب انہوں نے سلمان خان سے کہا کہ وہ اداکار بننا چاہتے ہیں تو اس پر سلمان نے کہا تمہیں اداکاری نہیں آتی اور تمہیں اس کے لیے پہلے ٹریننگ کرنی ہوگی، میں اس بات پر حیران ہوا کہ سلمان خان یہ سب کیسے جانتے ہیں۔
یاد رہے کہ اداکار ایوش شرما اور سلمان خان کی بہن ارپیتا خان کی شادی 2014 میں ہوئی تھی اور ان کے دو بچے ہیں۔
