17 اپریل ، 2024 
پاکستان
تفتان، نوکنڈی، دالبندین میں طوفانی بارش کے باعث بلوچستان کے ندی نالوں میں طغیانی کا خطرہ پیدا ہو گیا ہے: محکمہ موسمیات— فوٹو: فائل
مغربی ہواؤں کا نیا سلسلہ بلوچستان میں داخل، سرحدی علاقوں میں موسلادھار بارش
17 اپریل ، 2024
مغربی ہواؤں کا نیا سلسلہ بلوچستان میں داخل ہونے کے بعد پاکستان کے ایران اور افغانستان سے ملحقہ سرحدی علاقوں میں موسلادھار بارش ریکارڈ کی گئی۔
محکمہ موسمیات کے مطابق مغربی ہواؤں کے نئے سسٹم کے زیر اثر تفتان، نوکنڈی اور دالبندین سمیت مختلف علاقوں میں طوفانی بارش کے باعث بلوچستان کے ندی نالوں میں طغیانی کا خطرہ پیدا ہو گیا ہے۔
محکمہ موسمیات کا کہنا ہے کہ بارشوں کا یہ سلسلہ جمعرات تک ملک کے بالائی علاقوں تک پھیل جائے گا جبکہ بدھ کی رات سے جمعے تک کراچی سمیت سندھ کے مختلف علاقوں میں بھی بارش کا امکان ہے۔
محکمہ موسمیات کی جانب سے خیبرپختونخوا میں بھی آج رات سے 21 اپریل تک بارش کی پیش گوئی کی گئی ہے۔
