18 اپریل ، 2024 
ملیر میں ڈاکوؤں کی فائرنگ سے خاتون جاں بحق، شہری نے ڈاکو بھی مار ڈالا
18 اپریل ، 2024
کراچی کے علاقے ملیر جعفر طیار سوسائٹی میں لوٹ مار کے دوران ڈاکوؤں کی فائرنگ سے خاتون جاں بحق ہوگئی جبکہ موقع پر موجود شہری کی فائرنگ سے ایک ڈاکو مارا گیا۔
پولیس کا کہنا ہے کہ ابتدائی اطلاع کے مطابق چار ملزمان شہری سے لوٹ مار کر رہے تھے کہ موقع پر موجود افراد نے ایک ملزم کو پکڑ لیا۔
ڈاکوؤں کی فائرنگ سے خاتون اور بزرگ شہری زخمی ہوگئے جنہیں اسپتال منتقل کیا گیا جہاں خاتون زخموں کی تاب نہ لاتے ہوئے دم توڑ گئی۔
موقع پر موجود شہری کی فائرنگ سے ایک ملزم بھی مارا گیا جبکہ ہلاک ڈاکو کے دیگر ساتھی فرار ہوگئے۔
پولیس حکام نے بتایاکہ جاں بحق خاتون کی شناخت شاہدہ کے نام سے کی گئی اور وہ مقامی اسکول میں بطور آیا ملازمت کرتی تھی۔
حکام کے مطابق واقعے کے وقت خاتون وہاں سے گزر رہی تھی تو گولی کا نشانہ بنی اور قریبی آبادی کی رہائشی ہے۔
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
