18 اپریل ، 2024 
صدر نے پشاور اور بلوچستان ہائیکورٹ کے چیف جسٹس صاحبان کے ناموں کی منظوری دیدی
18 اپریل ، 2024
صدرمملکت آصف علی زرداری نے پشاور اور بلوچستان ہائیکورٹ کے چیف جسٹس صاحبان کے ناموں کی منظوری دے دی۔
صدر نے پشاور ہائیکورٹ کے چیف جسٹس کے لیے جسٹس اشتیاق ابراہیم کےنام کی منظوری دی۔
صدر مملکت کی جانب سے منظوری کے بعد وزارت قانون نے جسٹس اشتیاق ابراہیم کی بطور چیف جسٹس پشاور ہائیکورٹ تقرری کا نوٹیفکیشن جاری کردیا۔
صدر مملکت نے بلوچستان ہائیکورٹ کے لیے چیف جسٹس ہاشم خان کاکڑ کے نام کی بھی منظوری دے دی جس کے بعد وزارت قانون نے جسٹس ہاشم کاکڑ کا بطور چیف جسٹس بلوچستان ہائیکورٹ تقرری کا نوٹیفکیشن جاری کردیا۔
پشاور ہائیکورٹ کے تین ایڈیشنل ججوں کو مستقل جج بنانے کا بھی نوٹیفیکیشن جاری کیا گیا ہے جس کے مطابق جسٹس فضل سبحان، جسٹس شاہد خان اور جسٹس ڈاکٹر خورشید اقبال کو مستقل جج بنانے کی منظوری دی گئی ہے۔
