18 اپریل ، 2024 
پاکستان
مسلم لیگ ن نے عرفان صدیقی کو سینیٹ میں پارلیمانی لیڈر نامزد کر دیا
18 اپریل ، 2024
مسلم لیگ ن نے سینیٹر عرفان صدیقی کو سینیٹ میں پارلیمانی لیڈر نامزد کر دیا۔
سینیٹ میں قائد ایوان اسحاق ڈار کی جانب سے چیئرمین سینیٹ یوسف رضاگیلانی کو عرفان صدیقی کو سینیٹ میں پارلیمانی لیڈر نامزد کرنے کا مراسلہ بھیج دیا گیا ہے۔
مراسلے کے مطابق صدر مسلم لیگ ن شہبازشریف نےعرفان صدیقی کو پارلیمانی پارٹی کا لیڈر نامزد کردیا ہے۔
واضح رہے کہ دوسری جانب پاکستان تحریک انصاف کے سینیٹر شبلی فراز کو سینیٹ میں قائد حزب اختلاف نامزد کرنےکی درخواست سینیٹ سیکرٹریٹ میں جمع کروادی گئی ہے ۔
