لیہ: خواجہ سرا کے مبینہ اغوا اور تشدد کے واقعے پر 5 ملزمان کے خلاف مقدمہ درج

لیہ میں خواجہ سرا کو مبینہ طور پر اغوا کے بعد تشدد کا نشانہ بنانے کے واقعے پر 3 نامزد اور 2 نامعلوم افراد کے خلاف مقدمہ درج کرلیا گیا۔

خواجہ سرا نے الزام لگایا تھا کہ میلے سے واپسی پر 5 افراد نے اسلحے کے زور پر اسے اغوا کیا اور تشدد کا نشانہ بنایا جبکہ اس سے نقدی اور زیورات چھین کر جنگل میں پھینک دیے گئے تھے۔

پولیس کے مطابق واقعہ تحصیل کروڑ لعل عیسن میں پیش آیا، واقعے کا مقدمہ درج کر کے تحقیقات شروع کردی گئی ہے، جلد ہی ملزمان کو گرفتار کرلیا جائے گا۔