23 اپریل ، 2024 
پاکستان
فوٹو: فائل
جامشورو :کروڑوں روپے ماہانہ ٹیکس چوری پر سگریٹ کی غیرقانونی فیکٹری سیل
23 اپریل ، 2024
فیڈرل بورڈ آف ریونیو (ایف بی آر) نے جامشورو میں سگریٹ کی غیرقانونی فیکٹری پر چھاپہ مار کر اسے سیل کر دیا۔
ایف بی آر حکام کے مطابق ڈائریکٹوریٹ آف انٹیلی جنس اینڈ انویسٹی گیشن کی ٹیم نے جامشورو میں سگریٹ کی غیرقانونی فیکٹری سیل کردی ہے۔
اے ڈی آئی ممتاز تھیبو کا کہناہے کہ سگریٹ فیکٹری میں ماہانہ 27 کروڑ روپے ٹیکس چوری کیا جا رہا تھا۔
انہوں نے بتایا کہ سگریٹ فیکٹری پیٹرول پمپ کی آڑ میں چلائی جارہی تھی۔
